ՏՈՆԴ ՇՆՈՐՀԱՎՈՐ, ՀԱՅԿԱԿԱՆ ԲԱՆԱԿ
Այսօր
մեր հաղթանակած բանակի տոնն է, նրա կազմավորման 22-ամյակը: Հայ զինվորը միշտ
հաղթող է եղել, կռվել է ճակատը բաց ու ազնվորեն, ողջ աշխարհին է հայտնի նրա
քաջությունն ու անձնվիրությունը:
Այս տոնը ոչ միայն այսօրվա զինծառայողներինն է, այլև մեր բոլորինը, չէ որ բանակը
ցանկացած պետության հենասյունն է, նրա գոյության գրավականը: ՈՒժեղ բանակի
հիմքում ուժեղ պետությունն է. յուրաքանչյուրս մեր տեղում, մեր գործով նպաստելով
մեր պետության կայացմանը` այն ավելի ուժեղ ենք դարձնում: Իսկ անհրաժեշտության
դեպքում բոլորս անվարան կկանգնենք մեր անպարտելի բանակի կողքին ու կպաշտպանենք մեր
հողը…
ՊՀՆԴ խմբի կարգախոսը լիովին կարող է ծառայել նաև որպես զինվորական
առաքելության նշանաբան, ուրեմն` միշտ պատրաստ պատվախնդրորեն, հետևողականորեն ու
նվիրվածությամբ դիմագրավելու մեր հայրենիքի հանդեպ ցանկացած ոտնձգություն:
Ոգիդ ու բազուկդ թող միշտ ամուր լինի, հայ զինվոր…Եվ խաղաղություն մեր
հայրենիքին…
0 մեկնաբանություն: